بۆهێزێكی له‌ دایك بوو

بناری زۆزك 8 /1991

بۆ ئه‌و ئاواته‌ی نه‌مردم و دیم ، بوونی پێشمه‌رگه‌ی ئیسلامی له‌ سه‌ربازگه‌ی سه‌لاح الدینی خۆمان كه‌ له‌
20 /5 /1991 دا كردمانه‌وه‌ .

زۆر ده‌مێ بوو
چاوه‌رێ بووم
له‌ ناسۆر وخه‌م وژانا
له‌ غیره‌ت ووره‌و ووزه‌و
خۆشه‌ویستی تێكۆشانا ..
به‌ رێ ی خه‌باتی كوردانه‌ی
شا مه‌حموود و
شێخی مه‌زنی پیرانا
به‌ ته‌جروبه‌ی
میلله‌تی كوردی بێ شوانا

به‌ كڵپه‌ی گڕی باوه‌ڕی موسوڵمانا ..

چاوه‌رێ بووم
له‌ به‌ر تیشكی
مه‌شخه‌ڵی رێ ی
بیری سه‌ییدی زیندانا ..

هێزێكی وا له‌ دایك بێ
بڵێین ئۆخه‌ی
ئا ئه‌مه‌ هێزی ئیسلامه‌
له‌ رووی دۆستانی دڵسۆزا
وا به‌ شه‌رمه‌ و
له‌ رووی دوژمنا به‌ سامه‌

.....
هۆ هێزی گه‌نجی جیهادی
زایه‌ڵه‌ی كاروانی شادی
هێزی هیوا
گزنگی رۆژی ئازادی..

تۆ شمشێره‌كه‌ی موغیره‌ی ..
ده‌نگی سوڵتانول عوله‌ماو
قوتابیه‌كی زیته‌ڵی
فیقهه‌كه‌ی ئیبن وته‌یمیه‌ی
چ مژده‌ بووی
له‌ عومری كه‌می ئێمه‌دا
له‌ دایك بووی ؟!
هه‌زار شوكر
هه‌زارئۆخه‌ی
كه‌ ئێمه‌ بووینه‌ هێزی تۆ و
تۆش زادی هه‌وڵ و ره‌نجی مه‌ی
.....

ده‌ به‌یعه‌ت بێ تاكو تۆ هه‌ی
دروشمی مه‌
ده‌نگی دلێری ێدیقه
كه‌ له‌ رۆژی سه‌ختی ( ریدده‌ )
هه‌موو جیهان بیستی گرمه‌ی :
( اَيُنقَصُ الدِّينُ هذا وأنا حَيّ ؟ )